Wikipedia:Maayong pag-abot, higala!

Ang Wikipedya usa ka ensayklopedya nga namugna (ug padayong gimugna) pinaagi sa pagtinabangay sa iyang mga mambabasa. Kining maong sayt usa ka wiki, nga ang buot ipasabot si bisan kinsa, lakip ikaw, makausab sa hapit tanang panid dinhi pinaagi sa pagklik sa usba sa ibabaw sa matag panid. Busa, maayong pag-abot, higala!

Paglibot sa Wikipedya

Ang Iningles nga Wikipedya may daghang artikulo kabahin sa bisan unsang aspeto sa kinabuhi sa tawo ug sa iyang palibot. Sa kasamtangan, mayoriya ning maong mga artikulo dili pa mabasa sa pinulongang Binisayang Sinugboanon. Apan pinaagi sa imong panabang, mahimo unyang ang atong Wikipedya sa Binisayang Sinugboanon mahimong kinahanglanong reperensiya sa mga Sugboanon.

Kon may gipangita kang artikulo, itayp ang titulo niini sa kahon sa wala ning screen. Dayon i-klik ang Sige kon buot mong madiretso sa maong panid (kon duna kita niini) o Pangitaa kon gusto nimong pangitaon ang mga pulong diha sa mga artikulo. Palihog timan-i nga ang maong kapabilidad sa pagpaniksik dinhi sa Sinugboanong Wikipedya mahimong pagngon sa mga panahon nga daghang naggamit sa mga serber sa Wikipedya. Kon kini mahitabo, ipasa ka ngadto sa Google.

Kon ganahan ka sa imong nabasahan, nganong dili ka magpabilin og pahibalo sa panid sa hisgot sa maong artikulo? Tuploka lang ang Panaghisgot-hisgot sa taas sa panid sa artikulo. Buot namong mahibaw-an ang imong hunahuna ning maong proyekto.

Among gipalabi karon ang mga artikulo nga kabahin sa mga butang nga may kalabotan sa Sugbo, mga Sugboanon, ug sa mga tawo nga nagtabi sa pinulongan Binisayang Sinugboanon. Mahimo kang motabang pinaagi sa pagsulat og imong kaugalingong mga artikulo kabahin sa maong mga butang (timan-i nga walay bayad ang pagsulat mo sa maong artikulo). Mahimo usab nga imong ihubad ang mga artikulo gikan sa Iningles nga Wikipediya ug dalhon dinhi. Apan kon may artikulo kang buot mabasahan sa kaugalingon tang pinulongan, palihog ipuno kini sa Mga gihangyong artikulo.

Pag-usab sa mga panid

Si bisan kinsa mahimong makausab sa mga panid sa Wikipedya&emdash;lakip na kining maong panid! Tuploka lamang ang usba nga sumpay sa taas sa bisan asang panid (gawas sa mga protektadong panid) kon sa imong hunahuna nanginahanglan kining usbon (kuhaan, pun-an, usbon ang organisasyon, ubp.). Wa kay gikinahanglang bisan unsa; dili gani kinahanglang mopaila ka sa Wikipedya. Kon gusto kang magduwa-duwa usa, nga walay risgo nga makadaot kag usa ka tinuod nga artikulo, adto sa atong Blakbord diin ka puydeng magpraktis.

Mga palisiya

Ania ang pipila ka mga palisiya ug lagda nga angay nimong masabtan. Ang tulo ka kinaimportantehang mga prinsipyo mao kining mosunod: Pagsulat nga Walay Gidapigan (PWG, NPOV o neutral point of view sa Ingles), GFDL (GNU Free Documentation License), ug Maayong Pamatasan (MP).

  • PWG o Pagsulat nga Walay Gidapigan  &emdash; gikinahanglang ang tanang artikulo isulat sa panlantaw nga neyutral, walay bayas, ug walay gilaban nga usa ka panlataw. Kini labing gikinahanglan sa mga artikulo nga nagdiskas sa mga kontrobersiyal nga butang sama sa aborsiyon, kontrasepsiyon, sa pagngalan lang og pipila.
  • Ang tanang kontribusyon sa Wikipedia gi-release ubos sa GNU Free Documentation License (GFDL). Kini nagpasabot nga tanan mong gisulat dili ilhong imoha apan iya sa tanan. Palihog ayaw pag-upload og mga sinulat nga may nanag-iya sa katungod sa pagpatik. Hinumdomi usab nga kon ang imong sinulat imong ibutang sa Wikipediya, iya na kini sa publiko ("'public domain'") ug dili na nimo panag-iya (apan mahimo gihapon nimong gamiton isip sakop sa publiko).
  • Maayong Pamatasan (MP)  &emdash palihog pagbaton og dakong pasensiya labi na kon maabot kita sa punto nga may mga maglalis na unsaon pagsulat ang usa ka artikulo. Ang Sugboanong Wikipediya magmalamposon lamang kon kitang tanan magtinabangay.

Ayaw kabalaka!

Kon maglisod ka sa pag-edit sa mga panid ning balayan, ayaw kabalaka! Sige lang kay naay daghang andam motabang kanimo ug molimpiyo sa imong agi kon imong gubton ang tanan! Ayaw kahadlok makahimog sayop apan hinuon paninguha sa pagkat-on ug pangayog tabang sa mga nakahibalo na. Gikinahanglan namo ang imong panabang!

Apil na!

Bisan si kinsa makaedit, apan may mga bentaha kon duna kay akawnt kon buot mong molindog nga makanunayon. Aron makaapil, paghimog akawnt ug ipaila ang imong kaugalingon sa Mga bag-ong abot Tubaan.